CAGAYAN DE ORO CITY- Gihimakak sa liderato sa AFP nga ila na lamang gipasagdan ang ihap sa mga sibilyan nga kabahin sa mga nangamatay sa pag-atake sa mga teroristang Maute-ISIS sa Marawi City.
Kini human halos walay paglihok sa ihap sa mga sibilyan nga nakalas bisan nga daghan na ang narekober sulod sa war zone.
Gibutyag ni AFP spokesperson Brig Gen Restituto Padilla nga may mga gihimo sila nga validation ilabina nga nakig-koordinar kini sa local gov unit sa Lanao del Sur.
Una niini,gibutyag sa usa ka survivor nga anaa na sa 507 ka mga tawo ang nakalas sa engkuwentro diin kadaghanan kanila ang gikan sa mga terorista.
