CAGAYAN DE ORO CITY-Pugngan sa militar kutob sa ilang mahimo ang pag-atake sa mga rebeldeng New People’s Army o NPA sa bisan asa nga bahin sa rehiyon 10.
Kini human presyurd ang mga rebelde nga mohimo’g atake aron may ika-presentar nga daw kalampusan atol sa giingong anibersaryo niini sa Disyembre ning tuiga.
Gihimo ni 8th IB civil military operations head 1Lt Erwin Bugarin ang pahayag tungod sa pakyas nila pagpugong sa 150 ka NPA rebels nga miatake sa compound sa DAVCO-Del Monte Philippines sa Quezon,Bukidnon sa miaging adlaw.
Natala ang 60 milyones nga damyos sa pagsunog sa mga ekipo ug gikawat usab ang daghang armas ug kabtangan atol sa pag-atake sa mga misibat nga mga rebelde.
