CAGAYAN DE ORO CITY-Giila ni 1st ID,Philippine Army spokesperson Lt/Col Jo-ar Herrera nga dakong kalampusan sa kampanya sa gobierno batok terorismo ang pagkasikop sa bomb expert sa Maute nga si Mohammed Maute diha sa Brgy Macasandig sa syudad.
Kini samtang nagka-grabe ang pakig-engkuwentro sa militar sa mga teroristang Maute sa Marawi City,Lanao del Sur.
Gibutyag ni Herrera nga ang nasikop sa militar ug kapolisan nga terorista ang paryente sa pamilyang Maute nga kabahin sa nangulo sa pagpanghasi sa katawhan sa Marawi City.
Nagdumili na usab si Herrera pagbutyag kon pila ka bomb experts ang gihuptan sa mga terorista.
Hisayarang kabahin pa sa gipangita si Mohammad Kiram alyas Abdulrahman nga kuyog ni Maute nga mohimo’g pagpamomba sa syudad.
