CAGAYAN DE ORO CITY-Nabulgar karon nga dugay na nga plano sa teroristang Maute ug Abu Sayyaf Group pinanguluhan ni Isnilon Hapilon nga mismo sa kasaulugan sa Ramadan ilusad nila ang lapad nga pag-atake sa Marawi City,Lanao del Sur.
Kini subay sa nakuha nga mga dokumento sa militar ug kapolisan gikan sa mga patay’ng lawas sa mga terorista.
Matud ni 1st ID,Philippine Army spokesperson Lt Col Jo-ar Herrera nga kini ang hinungdan nga paspas nila gisilbi batok kang Hapilon ang warrant of arrest apan misukol ang mga terorista nga nag-resulta sa kapi’g semana na nga engkuwentro sa maong dapit.
Hisayrang natala na ang kapin 100 ka tawo ang nakalas nga gilakipan sa mga terorista,mga sundalo,mga pulis ug mga sibilyan sukad miulbo ang kagubot sa Marawi City sa miaging Mayo 23 ning tuiga.
