CAGAYAN DE ORO CITY-Misamot kaisog ang mga sundalo nga migukod batok sa nabiling teroristang Maute-ISIS sulod sa Marawi City.
Kini human gibisita ni AFP chief of staff Gen Eduardo Ano ang Marawi soldiers sa mismong battel position area.
Gibutyag ni Ano nga ma-dobli na usab ang suhulan sa tanang sundalo subay sa mando ni Pres Rodrigo Duterte epekto sa tuig 2018.
Samtang gamiton sa militar ang susamang paagi sa taktika nga nagresulta sa pagka-rescue kang Fr Chito Suganob alang sa nabiling bihag sulod sa Marawi City.
Kini human namugos si AFP spokesperson Maj/Gen Restituto Padilla nga militar ang nakaluwas kang Suganob tungod sa paglusob sa Moske Bato Ali sa miaging semana.
Maampingon ang mga sundalo sa paggukod sa grupo ni Omar Maute ug Isnilon Hapilon nga nabilin sa mga terorista nga naghawid sa mga bihag.
Napatay sa militar ang dul-ag 700 ka terorista apan 157 usab sa govt troops ang nagbuhis sa kinabuhi sa kapi’g upat ka bulan nga kagubot.
