CAGAYAN DE ORO CITY-Nag-delpoy sa reinforcement ang pwersa sa gobyerno palibot sa Lake Lanao padulong sa Marawi City, Lanao del Sur.
Gibutyag ni Col Romeo Brawner, deputy commander sa Joint Task Group Ranao nga ubay-ubay nga ihap sa mga sundalo ang subli nilang gikatag sa palibot sa maong lawa, lakip na sa Iligan ug Cagayan de Oro City aron dili masama ang maong mga dapit sa nahitabo sa Marawi City.
Nakuha sa AFP ang report gikan mismo sa sympathizers sa Maute-ISIS group human gisaaran sila sa tag P30,000 isip
recruitment pay.
Samtang gipangita na karon sa militar ang usa ka Abu Dar nag maoy nailang recruiter sa mag re-group nga Maute- ISIS.
Gumikan niini, mihatag nang daan sa pasidaan si Brawner batok sa mga pamilya nga daling matintal sa kwarta gikan sa mga terorista tungod kay dili sila mag duha-duha ug pulbos kanila.
Una niini, gawas sa P30,000 nga recruitment fee, makadawat sa laing P20-mil ang usa ka Maute group oras nga motampo na kini sa ilang pagbansay-bansay.
