CAGAYAN DE ORO CITY-Wala luagi sa militar ang paggukod sa nabiling gatos ka sakop sa Maute ug Abu Sayyaf Groups nga ilang na-engkuwentro sa lungsod sa Piagapo,Lanao del Sur.
Kini bisan napatay sa militar ang 37 ka terorista sa engkuwentro sa maong lugar sukad sa miaging semana.
Si AFP Western Mindanao Command spokesperson Capt Joan Petinglay miingon nga tuyo nila nga hingpit mabungkag ang maong grupo aron mahunong na ang kagubot sa Lanao Sur.
Gikompirmar ni Petinglay nga upat sa 37 ka napatay’ng terorista ang pulos foreign nationals gikan sa Malaysia ug Indonesia.
