CAGAYAN DE ORO CITY, Philippines – Mag-atubang sa silot nga life imprisonment o tibook kinabuhi nga pagkapriso ang negosyante nga mapamatud-an nagpalusot sa mga ismagol nga agriculture products sa Pilipinas.
Pasidaan kini ni Department of Agriculture Secretary Francisco Tiu Laurel Jr., ug Department of Trade and Industry (DTI) Assistant Secretary Agaton Teodoro Uvero, human nila gisusi ang mga baligyang utanon sa merkado sa Pasay City.
Miingon si Laurel nga bug-at ang atubangon nga silot sa large-scale agricultural smuggling nga nakalatid sa Republic Act No. 10845, o mas naila nga Anti-Agricultural Smuggling Act.
Unod sa balaod ang pagsikop sa mga tawong mapamatud-ang m ihimo’g artipisyal nga kakulangon sa batakang pagkaon sa merkado ug kadtong dunay mga kartel sa agri-products.
Lakip sa gisusi sa mga opisyales sa DTI ug DA ang kadudahang mga cabbage, broccoli, dagkung mga ube gikan sa China, ug mga sili.
