Gipangalanan sa International Criminal Court (ICC) si kanhi Department of Justice Secretary Vitaliano Aguirre II isip co-accused sa kasong Crimes Against Humanity nga may kalabutan sa war on drugs ni kanhing Presidente Rodrigo Roa Duterte. Ang ICC naglakip kaniya kauban nila Senator Christopher “Bong” Go ug Senator Ronald “Bato” dela Rosa isip kabahin sa plano sa pag-balda sa mga suspek. Gi-insistir ni Aguirre nga wala siya nakalambigit sa extrajudicial killings ug miingon nga walay basihan ang paglakip kaniya sa kaso. Sumala sa kanhi kalihim, kung magpagawas og warrant ang ICC, andam siya nga motubag pinaagi sa legal nga proseso ug gipasiugda nga dili siya magtago. Subay niini, mitubag usab si Aguirre bahin sa mga report nga matod niya, gi-imbestigahan siya mahitungod sa iyang papel isip abogado ni Duterte sa panahon nga alkalde pa kini sa Davao City. Gipanghimakak ni Aguirre ang tanang alegasyon ug miingon nga iyaha lang gibuhat ang mga responsibilidad nga gitakda sa iyang propesyon. (Phillip Ariata)
