Gibasol ni kanhi Justice Secretary Vitaliano Aguirre II ang pagtawag kaniya nga co-perpetrator sa kaso sa ICC bahin sa kontrobersyal nga “war on drugs” ni kanhi Presidente Rodrigo Duterte, ug giingon niyang “kompletong bakak” kay naglihok lamang siya isip legal counsel. Gipagawas sa redacted Document Containing the Charges ang iyang ngalan, uban nila Senator Ronald “Bato” dela Rosa ug Bong Go ug ubang kanhi police ug bureau chiefs, isip alegadong co-perpetrators sa giingong “common plan” sa kriminal nga kalihokan lakip ang pagpatay.
Miingon si Aguirre nga dili siya magtago kung adunay i-issue nga arrest warrant ug plano niyang mangita og legal nga pamaagi samtang giinsist nga kinahanglan una ang judicial proceedings sa Pilipinas sa dili pa siya mosurrender sa The Hague.
Ang mga senador nga si Go ug dela Rosa nagdumili sa alegasyon, gihulagway kini nga walay basehan ug dili patas sa ilang papel sa administrasyong Duterte. (Jane Abulag)
