CAGAYAN DE ORO CITY – Nagkauyon ang Mindanao-based energy producers ug stakeholders nga angayang mapalig-on pa ang kahimtang sa Agus-Pulangi hydropower plants nga dakong tinubdan sa suplay sa koryente dinhi sa isla.
Kini ang tipik sa gituki sa Mindanao Power Summit nga gilusad ug gitambungan sa pipila ka natl govt officials ug dagkong mga negosyante sa koryente sa Iligan City sa miaging semana.
Namahayag si Misamis Oriental-Cagayan de Oro MSME Devt Council chairman Raymundo Talimio Jr nga kon mapasagdan ang maong mga planta,masinatian usab sa Mindanao ang energy rotational blackouts pag-abot sa tuig 2030 pataas.
Hisayrang ang maong mga planta nga gipadagan sa National Power Corporation ang kaya makahimo’g koryente nga sobra libo ka mega watts nga dako’g tabang sa dugang kalambuan sa Mindanao.
