Alang sa pagpadayon sa kasabotan sa kalinaw sa Mindanao, gipamugos sa Save Bangsamoro Movement nga si MILF Chairman ug Bangsamoro Parliament Member-elect Al-Hadj Murad Ebrahim” lamang ang angay nga modumala isip Chief Minister sa rehiyon.
Gitin-aw ni Datu Tokz Bin Abdurrahman convenor sa maong grupo nga si Ebrahim lamang ang lehitimong giila nga lider ug unifier sa tibook Bangsamoro, lakip na sa sektor sa ulama, mag-uuma, ug mangingisda human sa nagkadaiyang gubat sa dapit.
Gitin-aw sa opisyal nga napamatud-ang napakyas ang nakalabay nga pagpanghilabot ug eksperimento sa gobyerno tungod kay miresulta kini sa pagka-hold sa pag-surender sa mga armas sa mga sakop sa MILF.
Dugang pa ni Abdurrahman, mas maayong suportahan sa Malacañang ang gimugna nga Rainbow Coalition tali sa nagkalain-laing partido aron magkahiusa ang mga lider ug dili maguba ang gipangandoy nga kalinaw sa Mindanao.
