Halos kab-ot na ni Ahtisa Manalo ang kadaugan alang sa Pilipinas sa koronasyon sa Ms Universe 2025 nga gihimo sa Impact Challenger Hall sa Pak Kret,Nonthaburi sa Thailand.
Kini human sulod sa top 5 ang 28 anyos nga beauty queen nga nag-representar sa Pilipinas sa ika-74 nga edisyon sa Ms Universe ning tuiga.
Kuyog sa top 5 ni Manalo ang mga pambato sa Thailand,Venezuela,Mexico ug Cote D’ Ivoire.
Una nang namahayag si Manalo nga kampante kini sa iyang nahatag nga performances sa milabay’ng mga major segment sa Ms Universe rason nga dili imposible nga masakmit ang ikalima nga korona alang sa Pilipinas.
Advertisement
Anaa sa 120 ka kandidata ang nag-ilogay sa maong korona nga gitakdang ipasa ni 2024 Ms Universe Victoria Kjær Theilvig gikan sa Denmark.
Hisayrang ulahi nga nakakuha sa Ms Universe title gikan Pilipinas si Filipina-Australian Catriona Gray sa tuig 2018.
