CAGAYAN DE ORO CITY, Philippines – (update) Wala pay kompirmasyon sa isyu nga nagkabulag na si Ai-ai delas Alas tali sa iyang batan-ong kapikas nga si Gerald Sibayan.
Gitin-aw ni Boy Abunda, kinsa higala sa actress, nga ‘big deal’ alang kaniya ang maong isyu ilabe nga nasayud siya nga usa si Gerald isip tinubdan sa kalipay sa actress.
Karong lunes, Nobyembre 11, e-selebrar ni Ai-ai ang iyang adlaw’ng natawhan, ug sulayan sa King of All Talk ang pagpangutana kung unsa ang kasamtangang estado sa ilang relasyon.
Una niini, nakadawat na sa report ang talk show house nga mibiya sa ilang puy-anan si Gerald, kapin bulan na ang nakalabay.
Mahinumduman nga gikasal ang duruha Disyembre 12, 2017, ug naabtan pa sa usa ka tuig ang ilang relasyon ayha misulod sa salag sa kaminyoon.
