Nagpasidaan si Prof. Anna Malindog-Uy, usa ka geopolitical analyst, nga threatened na ang industriya sa Business Process Outsourcing kon BPO tungod sa paspas nga pag-usbong sa artificial intelligence o AI nga mas cost-efficient ug cost-effective.
Subay sa iyang pagtuki, gikinahanglan nga dili magsalig ang nasud sa maong sektor tungod kay sa umaabot nga panahon, posibleng pulihan na sa mga robot ang mga trabahante sa BPO nga naghimo lamang og mga routinary nga tahas.
Dugang pa ni Malindog-Uy, ang maong mga trabaho sa BPO dili tinuod nga nakabase sa Pilipinas o gipanag-iya sa mga Pilipino, hinungdan nga usa kini ka porma sa underemployment sa nasud.
Sa ulahing bahin, iyang gipunto nga angayan gayud nga hatagan og seryosong pagtagad sa kagamhanan ang maong sitwasyon aron dili mabutang sa peligro ang panginabuhian sa daghang mga Pilipino.
