Masulayan na ang katakus sa AI powered cameras sa daghang kadalanan sa Metro Manila. Kini tungod kay sugod ning adlawa, ipatuman na ang No-Contact Apprehension Policy (NCAP).
Mahinumduman nga human gilangkat sa Supreme Court ang temporary restraining order (TRO) batok sa maong polisiya, wala nay makapugong sa Department of Transportation nga sulayan ang gahum sa bag-ong teknolohiya.
Unang mu-implementar sa NCAP ang Metropolitan Manila Development Authority (MMDA), ug sila nagmasaligon nga pinaagi sa bag-ong teknolohiya, mapalig-on pa ang disiplina sa mga motorista ug mapakunhod ang korapsyon sa traffic enforcement.
Ang polisiya naggamit sa CCTV cameras ug AI-powered monitoring systems aron madakpan ang mga traffic violators nga wala na kinahanglang hunongon sa dalan.
Taliwala sa maayong intensyon, daghang grupo gihapon sa transport sector ang nagduda ug misupak sa kapasidad niini.
