Nangamuyo ang transport group nga United Drivers Association (UNIDA) nga ma-release na ang ilang gipetisyon nga Assistance to Individuals in Crisis Situations (AICS) ug sa Department of Social Welfare and Development (DSWD) ug fuel subsidy gikan sa Land Transportation Franchising and Regulatory Board (LTFRB).
Namahayag si UNIDA President Joel Gabatan nga bisan nagkalisud sila sa kamahal sa presyo sa itubil sa ilang sakyana, gipugos gihapon nila nga mamasada kay wala man pud silay ipakaon sa ilang pamilya.
Gani, mi-ingon si Gabatan nga kung magpadayon pagsaka ang presyo sa lana, taas ang tsansa nga adunay mga kauban nila nga mupahuway unsa pagpamasayro kay wala may alibyo nga gihatag kanila ang gobyerno.
Gani, usahay mabati na nila ang pagkalugi o walay kinitaan sa pila ka ihap nga pagtuyok-tuyok sa ilang ruta kay igo ra ipatubil sa ilang sakyanan.
