Gidala sa dalan ni AKBAYAN Partylist Representative Perci Cendaña ang pipila ka mga batan-on, kuyog ang grupong Tindig Pilipinas aron i-protesta ang hukom sa 19 ka mga senador nga i-archived ang impeachment ni Vice President Sara Duterte.
Gilusad sa grupo ni Cendaña ug ang lihok-protesta sa Boy Scout Circle sa Quezon City aron ipadayag ang ilang hugtanong pagkondinar sa desisyon sa Senado.
Bitbit ang ilang mga itom ug puti nga mga placards ug dagkung tarpulins, gipalanog sa grupo ang ilang pag disaprobar o “thumbs down”, nga unang gihimo sa grupo ni Dee sa hawanan sa senado, kagabie.
Lakip sa gisiyagit sa grupo ang panawagan sa Korte Suprema nga ikonsiderar ang Motion for Reconsideration (MR) nga gipasa sa House of Representatives (HOR) kay gusto nila sipaon sa puwesto ang bise presidente nga nangawkaw sa kapin 600-milyon pesos.
