Padayun karon ang gihimong signature campaign sa Akbayan Youth aron ipakita ang pagsupak sa planong pag-privatize sa Agus-Pulangi Hydroelectric Complex.
Sumala ni Jhune Ace A. Lubang, kinsa chairperson sa Akbayan Youth sa Iligan ug Lanao, gihimo kining kampanya pinaagi sa pisikal nga pamaagi ug pinaagi usab sa online platform nga change.org.
Tumong matod pa sa maong paningkamot nga makakuha og legal nga suporta aron mapugngan ang pagbaligya sa nahisgutang pasilidad.
Gani , usa ka usab ka silent protest ang ilang gibuhat niagdtong Independence Day aron mas mapahibalo ang publiko mahitungod sa maong importante nga kawsa.
Dugang pa gihatagan og gibug-aton sa grupo nga panahon na nga maminaw ang gobyerno sa tingog sa katawhan kay sila ang naghupot sa gahum.
