Generally peaceful ang gipahigayong mga aktibidad sa Higalaay Festival, kagabie.
Kini subay sa assessment ug monitoring sa Cagayan de Oro City Police Office (COCPO).
Sa pakighinabi sa BOMBO RADYO, namahayag si Police Captain Emilita Simon, spokesperson sa COCPO, siya miingon nga nahimong hapsay ang prosesyon nga gilusad sa Simabahang Katolika, alayon sa Pangilin ni Senior San Agustin sugod alas 5 sa kadlawon kuton alas 8 sa buntag, kagahapon.
Gibana-bana ang kapin 5,000 ka mga deboto ang mitambong sa prosesyon.
Mipatuman sa signal jamming ang kapulisan aron masanta ang posibleng pagpanabotahe nga himoon sa mga dautang elemento.
Una nang gibutyag sa COCPO nga wala silay nadawat nga A-1 information nga nag-atubang sa posibleng hulga sa terorismo ang syudad.
Sa pikas bahin, nagmalampuson usab ang libreng konsierto sa Rio de Oro Boulevard kagabie kundiin, gibana-bana kapin 10,000 ang misaksi sa dakong event.
Alang sa dugang detalye bista sa among YouTube Channel: https://www.youtube.com/watch?v=xxMzyLJEuds
