Mikunhod man ang mga aktibidad sa Higalaay Festival karong tuiga kumpara sa miaging tuig, apan gipadayag ni Acting City Information Officer Jade Adeser nga gipaigo gihapon sa siyudad ang ilang ₱20 million nga annual budget para sa maong selebrasyon.
Matud sa opisyal, nahimong 52 na lang ang mga kalihokan karon kumpara sa 56 sa miaging tuig tungod sa pagtangtang sa pipila ka tradisyonal nga okasyon sama sa PE Rhythmic ug Larong Pinoy sa mga barangay.
Apan hinuon, gipuli man usab sa dakbayan ang mga bag-ong paagi sa kalingawan parehas sa Pickleball Tournament.
Gipasabot usab sa tigpamaba nga dili ra mag-matter ang pundo o gidaghanon sa kalihokan, basta ang importante mao ang paghatag og kalipay sa mga bisita ug sa tanang katawhan sa Cagayan de Oro.
