CAGAYAN DE ORO CITY – Nasikop sa hiniusang pwersa Kinoguitan Municipal Police Office ug Provincial Drug Enforcement Unit ang usa ka aktibong barangay kagawad sa Purok-4 Brgy. Calubo kinsa nasapong nagpayuhot sa ginadiling druga.

Sumala ni Kinoguitan Police Station comamnder Sr/Insp Maribeth Ramugo nga giila ang dinakpang suspek nga si Brgy Kagawad Jessie Tarucan Diez, 43 anyos, ulitawo, ug molopyo sa maong dapit.

Napalitan ang suspek sa usa ka pakete sa drugang shabu sa kantidad nga P500.

Atol sa body search, laing siyam ka mga elonggated sachet nga gitoohang may sulod nga shabua ang narekober sa mga operatiba.

Una niini, gitumbok nga high valued target ang nadakpang suspek. Karong lunes, pasak-an sa duha ka kasong paglapas sa Dangerous Drugs Act of 2002 kon RA 9165 ang suspek.