CAGAYAN DE ORO CITY – Nadakpan sa tropa sa Cagayan de Oro Police Office o COCPO Station 5 kuyog ang Titay Municipal Police Station sa Zamboanga Sibugay ang top regional wanted person nga akusado pagpusil-patay sa negosyanteng babaye ning syudad didto sa Purok Acacia,Brgy Población,Titay.
Giila ang dinakpan nga si alyas Burot,45 anyos nga lumad taga-Brgy Tugop sa maong probinsya tungod sa kasong murder nga nakasang-at sa korte dinhi sa dakbayan.
Gidakop si Burot kay nag-unang akusado sa gipusil-patay nga 37 anyos nga babaye nga taga- Corrales Extension,Brgy 23 sa miaging Marso 24,2024.
Dumduman nga subay sa nahuptang impormasyon sa kapolisan,dunay tinago nga relasyon ang biktima ug akusado nga nag-resulta sa maong kremin.
Naka-kustodiya na sa COCPO mini-cell ang dinakpan ug naghulat sa mando sa korte nga isaka sa city jail sa Brgy Lumbia ning syudad.
