CAGAYAN DE ORO CITY-Balhog sa bilangguan ang 25-anyos nga lalake kinsa miembro sa Akyat–Bahay Gang diha sa Brgy Consolacion ning syudad.
Maoy nadakpan pinaagi sa hot pursuit operation ang suspek nga si Dennis “alyas Den-Den” Namocatcat, residente sa maong dapit.
Matud ni Capt Julius Saluta, hepe sa Macasandig Police Station nga ilang narekober sa panimalay sa suspek ang P1 million nga mga mahalong gamit ug alahas nga gipanag-iyahan ni Eva Almonte, 64-anyos, taga Brgy Nazareth ning syudad.
Si Saluta miingon nga ilang nakita sa CCTV footage ang suspek nga maoy nanglungkab sa panimalay sa biktima niadtong miaging adlaw.
Padayon pang gipangita sa mga pulis ang laing duha ka mga menor de edad nga kauban sa suspek sa pagpangawat.
