CAGAYAN DE ORO CITY – Gikadismaya sa Police Regional Office 10 nga nalutsan sa kasong pagpamusil ang Cagayan de Oro City Police Office bisan sa hugot nga pagpatuman sa election gun ban sa Northern Mindanao.
Miingon si PRO 10 Director Brig Gen Jaysen De Guzman nga iya nang gihataga’g abiso ang COCPO aron mohatag katin-awan nga nalutsan ang gipatumang seguridad taliwala sa gipatuman nga over lapping checkpoints batok kreminalidad.
Unang giila ni Cogon Police Station commander Major Sabino Labitad ang biktima nga si Greggy Pamulagan,40 anyos,construction worker ug nagpuyo sa Sitio Pinikitan,Brgy Camaman-an sa dakbayan.
Hinoon,walay kalabutan sa eleksyon ang maong pagpamusil kay gitoohang pagdumot ang motibo sa kremin.
Si Greggy ang luwas nang naatiman sa mga doctor sa Maria Xavier University Hospital human kini naigo sa tiyan gikan sa wala matino nga klase sa armas nga gigamit sa mikagiw nga suspek.
