CAGAYAN DE ORO CITY – Gipasalig sa Cagayan de Oro City Police Office nga hatagan sa dinaliang hustisya ang kamatayon sa radio bloctimer nga si Federico ‘Ding’ Gempesaw nga unang gipusil sa motorcycle in tandem suspects sa tugkaran sa ilang balay sa Macanhan,Brgy Carmen ning syudad.
Kini human mandu-i ni PRO 10 regional director Brig Gen Benjamin Acorda Jr ang COCPO nga sulbaron sa labing dali nga panahon ang kamatayon sa maong magsisibya.
Miingon si Carmen Police Station commander Maj Mario Mantala Jr nga kamulo pa ang ilang pagtigom sa tanang impormasyon kabahin sa hitabo.
Nagdumili pa usab pagkompirmar ang opisyal kon may matukod ba nga task force aron mas mapadali ang pagsulbad sa kremin.
Dumduman nga mohatag si Misamis Oriental 2nd Disitrict Cong Bambi Emano kuyog sa ilang partido sa balor 500-mil pesos nga reward money aron mapadali ang pagkab-ot sa hustisya sa hitabo.
