CAGAYAN DE ORO CITY – Dili suliran alang kang Association of Brgy Councils president 2nd District City Councilor elect Alam Lim nga mihimo’g lakang si Misamis Oriental 2nd District Cong. Bambi Emano nga pa-imbestigaran sa kamarabaha ang pugsanong pagpapha kang Gusa Brgy Kap Marlo Tabac sa Liga ng mga Brgy sa syudad.
Kini ang reaksyon ni Lim sa pangutana sa medya sa maong isyu paghuman sa ilang asembliya diin gituki ang mga isyu nga gilambigitan ug gipakang batok kang Tabac.
Miingon si Alam nga hayan wala pa masayod si Emano sa tinud-anay nga mga isyu batok kang Tabac mismo sa Brgy Gusa ug sa ubang mga kapitanes sa kabarangayan.
Tipik sa gibatbat ni Lim nga giingong gihimong gatasan ni Tabac ang mga tseke sa brgy hinungdang nagtukmod kaniya nga e-presyur kini nga ibakante ang pagka-bise presidenti sa ABC.
Una niini,giakusar ni Tabac nga gi-presyur siya ni Lim kay giingong sugo sa alyansa ni City Mayor Rolando Klarex Uy ug Cong.Rufus Rodrigues sa distrito dos aron mohawa kini sa katungdanan.
Dumduman nga mihandos sa resolusyon si Emano aron mahataga’g panahon sa kamarabaha nga imbestigaran ang maong isyu tali Tabac ug Alam.
Hisayrang mihurar kang Tabac alang sa ikaduhang termino si 2nd District City Councilor Yvy Emano diin nasayran ni Bambi ang bitbit nga expose niini batok sa grupo ni Alam.
