CAGAYAN DE ORO CITY – Walay nahimo apan igo lang sa pagsunod si ABC Federation Pres. Alam Lim sa kagustuhan sa ilang 64 ka kaubang kapitanes nga ma-deklara nga bakante ang posisyon sa pagka-bise presidente sa Liga ng Brgy ning syudad.
Kini ang tubag sa opisyal kung nganong wala niya ma-depensahe si ABC Vice President ug Gusa Brgy Kapitan Marlo Tabac sa ilang emergency assembly kagahapon sa buntag.
Miingon si Lim nga katungod ni Tabac ang pagpangita’g hustisya kung sa iyang tan-aw, nahikawan kini sa iyang katungod sulod sa liga.
Gihimakak usab niini nga gipapha si Tabac kay aron makalingkod isip ABC President sa city council si Carmen Brgy Kapitan Kikang Uy nga mopuli kaniya sa dili madugay.
