Makasaysayanon ang nakab-ot nga kalampusan sa Alas Pilipinas didto sa Egypt sa gipahigayon nga FIVB Men’s World Championship.
Gipakuratan sa Philippine Team ang tibuok volleyball community human nadag-an sa Pilipinas ang dula batok sa world no. 21 Egypt, nga giila isip usa sa mga kusgan nga team sa torneyo.
Giduminas sa Alas ang dula ug mitala sa iskor 29-27, 23-25, 25-21, 25-21 nga nakapahugyaw sa mga manan-away sulod Mall of Asia Arena.
Gipangulohan ni Bryan Bagunas ang team pinaagi sa iyang 25 puntos nga naglakip sa 23 ka power kills, samtang si Leo Ordiales misidlak isip man of the match human sa iyang 21 puntos nga rebound performance gikan sa sayop-sayop nga debut.
Si Marck Espejo, nga posibleng nagdula sa iyang katapusang tour of duty sa national team, midugang sa 13 puntos ug crucial blocks sa katapusang set.
Si Owa Retamar mitala sa 40 excellent sets nga nagpalig-on sa opensa sa team, samtang si Kim Malabunga nakahatag sa momentum sa first set pinaagi sa usa ka point-clinching block.
Tungod sa maong kadaugan, nakasulod na ang Pilipinas sa Round of 16 ug mag-atubang sa mas kusog nga Iran karong Huwebes, Setyembre 18, sa parehas nga venue.
