CAGAYAN DE ORO CITY-Panguluhan ni PNP chief Dir Gen Oscar Albayalde ang 117th Police Service Anniversary diha sa
Police Regional Office -10,Camp Alagar sa Brgy Lapasan ning syudad ning buntag.
Gibutyag ni PNP regional spokesperson Supt Surkie Sereñas nga saksihan ni Albayalde an presentasyon sa kalampusan sa kapolisan ilabina ang giyera batok illegal nga droga,pagtangtang sa police scalawags ug mga anti-criminality campaign.
Ilusad usab ni Albayalde ang bag-ong anti-criminality campaign nga mogukod batok mga riding-in-tandems nga nailang “Campaign Plan: Clean Rider”.
Samtang mapadali pa ang paggukod sa batok sa mga dagkong krimen nga gipaluyuhan sa mga “riding-in-tandem”.
Gibutyag ni Sereñas nga pinaagi sa sticker nga “Clean Rider’s Pass”,dali ra matumbok sa kapolisan ang aktibidad sa motorista ingon man ang iyang mga ruta ug asa kini maggikan.
Pinaagi sa maong pass,mahimong sayon ang pag-agi sa mga motorcycle driver sa PNP checkpoints.
Una niini, gitumbok ni Sereñas nga nagsaka ag kaso ang riding-in-tandems diin musangko sa mga krimen sama sa kasong patay ug street robbery sa nasud.
Gi-angkon ni Sereñas nga usa sa labing dugay masulbad nga kaso ang “riding-in-tandem criminal cases”.
