CAGAYAN DE ORO CITY – Namugos si Police Gen Oscar Albayalde nga naghinobra lamang ang mga kritiko ni Pres Rodrigo Duterte pagpasiatab sa United Nations Human Rights Council o UNHRC kabahin sa anti-drug war sa nasud.
Kini human gibarugan ni Albayalde nga anaa lamang sa kapi’g dos porsiento o 6-mil ka tawo ang nakalas gumikan sa anti-illegal drugs war kay misukol sa police operations itandi sa 20-mil nga gipamugos sa anti-Duterte groups.
Namahayag si Albayalde nga dili angay tuhuan sa UNHRC ang bakak nga impormasyon sa Amnesty International kay kon tinood ang ilang gipanulti,anaa unta sa 30 porsiento sa suspected pushers ang natala nga namatay sukad gisugdan ang anti-drugs war sa nasud.
Sulti ni Albayalde nga 2.6 porsyento lamang sa crime statistics ang gipamugos sa mga anti- Duterte itandi sa milyon ka tawo nga mitahan sa mga otoridad ug nilibo ang nasikop nga nalambigit sa ilegal nga droga sa nasud.
Una niini,gipaboran sa UNHRC ang resolusyon sa Iceland nga seryoso nga tutukan ang anti-drug war sa Pilipinas diin gisuportahan sa 18 ka nasud,14 ang supak ug 15 ang walay gidapigan.
