CAGAYAN DE ORO CITY – Panguluhan ni Philippine National Police chief Gen Oscar Albayalde ang ribbon cutting sa bag-ong gi-renovate nga chapel ug ground breaking sa tukuron nga day care center diha sa Camp Vicente Alagar,Brgy Lapasan ning syudad karong buntag.
Si PRO-10 spokesperson Police Major Michelle Olaivar miingon nga kauban ni Albayalde ang iyang kapikas nga si Cherrylyn Albayalde ug laing 16 ka police generals nga nadestino sa PNP national headquarters.
Dugang ni Olaivar nga may himoon usab nga validation sa annual operations plans and budget sa usa ka dakong hotel ingon man consultative and legislative agenda nga tambungan sa sakop sa prensa.
Dugtong niini, nakaalerto ang seguridad sa syudad nunot na sa himoong pagbisita sa tag-as nga opisyal sa kapolisan ning syudad.
