Nagpahayag ang Partido Demokratiko Pilipino–Lakas ng Bayan (PDP–Laban) nga ang mga pahayag ug affidavit ni Ramil Madrillaga batok kang Bise Presidente Sara Duterte mahimong usa lamang ka diversionary tactic aron malihis ang atensyon sa publiko gikan sa mas dagkong isyu sa nasud.
Sumala ni PDP–10 Regional Council President Engr. Rodolfo Pancrudo, dili angay nga dayon dawaton sa publiko ang mga alegasyon nga walay klaro ug independenteng pamatuod, ilabi na kung naggikan kini sa usa ka testigo nga adunay gipang-atubang nga mga kontrobersiya.
Gipunto usab sa PDP–Laban nga ang sunod-sunod nga affidavit ug pahayag batok sa Bise Presidente kinahanglan pa nga moagi sa husto nga pagsusi aron masuta ang kredibilidad niini.
Nag-awhag ang partido sa publiko nga magpabiling kritikal ug dili dali motuo sa mga impormasyon nga, sumala nila, mahimong gigamit aron i-divert ang atensyon sa mas importante nga mga isyu sa gobyerno.
