Gisaway ni Vice President Sara Duterte ang nagpadayong impeachment hearing sa House Committee on Justice taliwala nga anaa sa dakung hulga sa pagsira sa negosyo, pagkawala sa mga trabaho, ug samot nga kapubrehon epekto sa nagsaka nga presyo sa mga produkto sa nasud.
Sa labing lab-as nga press release nga gipagawas sa Office of the Vice President, namahayag si Duterte nga ang imbestigasyon gihimo nang hinagiban aron makamugna sa naratibo ang prensa nga adunay mini-trail subay sa iyang desisyon nga dili makatambong.
Subli, gipamugos sa bise presidente nga puro pamulitika ug “fishing expedition” lamang ang gihimo sa komite batok kaniya, inay unahon ang hinanaling panginahanglan sa katawhan nga nag-atubang sa krisis ning panahona.
Gisumbalikan ni House Committee on Justice Chairman Gerville Luistro ang pasangil sa bise presidente nga sila nagmugna sa mini-trial tungod sa ilang pagpamugos nga magsubmitar sa ebidensya ang depensa.
