CAGAYAN DE ORO CITY, Philippines – Walay mga pinoy nga namuyo sa Southern Lebanon nga kasamtangang gi-atake sa Israeli Defense Force. Kompirmasyon kini ni Department of Migrant Worker’s Chief Atty Leo Cacdac.
Namahayag si Cacdac nga kasamtangang giisa sa Department of Foreign Affairs ang Alert 3 sa tibook Lebanon, ug posibleng isaka kini sa mas taas nga alerto aron paspas nga mapabakwit ang mga OFWs nga nanarbaho sa silingang dapit sa giatake nga syudad.
Subay sa report sa embahada sa Pilipinas sa Lebanonon, anaa sa 738 OFWs ang mipalista sa repatriation, gikan sa kapin 11,000 nga nanarbaho sa maong nasud.
Indikasyon sa pag-isa sa Alert Level 3 nga bukas ang embahada sa pagrepatriate sa mga OFWs nga boluntaryong mupauli sa Pilipinas.
