CAGAYAN DE ORO CITY – Ipatuman sa Police Regional Office 10 ang taas nga alerto alayon sa nagsingabot nga ikatulo nga State of the Nation Address o SONA ni Pres Bongbong Marcos sa Batasang Pambansa sa sunod Lunes.
Kini bisan kon pabiling walay nasagapan nga seryosong bahad sa seguridad alang sa publiko ang PRO -10 kabahin sa kalihukan sunod semana.
Miingon si PRO 10 spokesperson Maj Joann Navarro nga agdon nila ang direktiba gikan sa Camp Crame kon mismo sila ang mopatuman sa hightened alert status o ang lower units sa mga probinsya ang magpatuman alang niini.
Siya miingon nga pormahon usab sa matag-lower units ang Civil Disturbance Management team aron maoy ikatag sa mga lugar diin posibleng magtapok ang mga progresibong pundok nga dunay ipadayag samtang mohimo’g SONA si Marcos.
