GIILA sa mga sports analyst ang sangka sa Pinay tennis star nga si Alex Eala batok sa Amerikanang si Iva Jovic sa US Open nga match of the tournament o labing nindot nga dula sa kampeonato, apan ikasubo nga napildi ang atong manok sa maong sangka.
Gipahayag sa Bombo International Correspondent nga si Bobby Seriña nga bisan pa man sa maong resulta, nagpabilin nga positibo ug puno sa paglaum ang mga fans tungod sa gipakitang kaisog ni Eala nga nag-una pa sa iskor nga 4 batok 2 sa ika-3 nga set sa wala pa naapas sa tiebreaker.
Giklaro ni Seriña nga pwerte gayod nga mahal sa presyo sa tiket nga nagkantidad gikan $300 hangtod $2,000 tungod kay gihinam-hinam sa publiko ang maong duwa.
Dugang pa sa niini, usa kini ka dakong pamaagi nga nagpamatuod nga aduna na gayoy luna ug hayag nga kaugmaon ang atong batan-ong atleta sa internasyonal nga dula sa tennis.
