Nakab-ot na ni Filipina tennis star Alexandra Eala ang makasaysayon nga milestone human misaka sa World No. 29 sa Women’s Tennis Association (WTA) rankings.
Kini na ang iyang labing taas nga ranggo sa karera sa pagkakaron.
Ang pag-uswag nahitabo human sa iyang maayong performance sa Indian Wells Open, diin nakaabot siya sa Round of 16 ug nakadugang ug 120 puntos sa ranggo.
Bisan pa sa iyang kapildihan batok sa World No. 14 Linda Nosková, si Eala karon mao ang unang Filipina nga naka-break sa Top 30 sa WTA rankings, nga nagpakita sa iyang padayon nga paglambo ug potensyal nga mahimong usa sa labing kusgan nga mga manlalaro sa kalibutan.
