Nakab-ot sa Filipina tennis star nga si Alex Eala ang bag-ong labing taas nga ranggo sa iyang karera human mosaka ngadto sa World No. 17 sa opisyal nga Women’s Tennis Association (WTA) rankings nga gipagawas niadtong Nobyembre 2, 2026.
Ang 21-anyos nga atleta kay nakatigom og 2,289 ka ranking points, nga nakapahimo kaniya nga mosaka og duha ka puwesto gikan sa miaging No. 19 ug molabaw sa iyang kanhing career-high nga No. 18.
Nahimo kini human sa iyang pag-abot sa quarterfinals sa 2026 Pan Pacific Open sa Tokyo, diin iyang gipildi sila Mika Stojsavljevic ug Talia Gibson sa unang duha ka hugna sa wala pa mapildi ni Diana Shnaider.
Sunod nga makigtigi si Eala sa WTA 250 Hong Kong Open diin iyang atubangon ang Amerikanang si Alycia Parks sa unang hugna sa Nobyembre 3. (raniel mahunyag)
