Nahuman sa bag-ong makasaysayanong kalamposan ang 2026 season ni Filipina tennis star Alex Eala human kini misaka sa ika-15 nga puwesto sa pinakabag-ong Womens Tennis Association o WTA rankings.
Gikan sa kanhi world No. 19 nga sa ulahi nahimong World No. 17, misaka pa og duha ka ang-ang si Eala human maabot ang finals sa 2026 Hong Kong Open.
Sa edad nga 21, nagpabilin siyang labing taas og ranggo nga magduduwa nga gikan sa Southeast Asia ug ikaduha sa tibuok Asya.
Nalabwan usab niya ang four-time Grand Slam champion nga si Naomi Osaka sa Japan.
Sa live rankings, nabatonan ni Eala ang 2,392 points.
Gikan sa world No. 53 sa pagsugod sa tuig, misaka si Eala og 38 ka puwesto human misalmot sa 29 ka torneyo ug nakuha ang iyang labing unang Tour-level title sa Washington, D.C. (raniel mahunyag)
