Wala makaporma aron makabante sa sunod nga next round si Pinay tennis star Alex Eala sa 2025 Wimbledon Championships nga gilusad sa London,United Kingdom.
Kini human pukana si Eala sa iyang pinakaunang kampanya sa torneyo ni Wimbledon defending champion Barbora Krejcikova gikan sa Czech Republic sa iskor 6-3;2-6 ug 1-6.
Unang nahuptan ni Eala ang 1st set diin siya midaug apan pagsulod sa ikaduha ug ikatulo nga hugna gipakita na ni Barbora ang iyang kahanas aron sakmiton ang kadaugan.
Nagpasulabi ang kahawod ni Barbora aron ipaluhod ang ranked no.56 nga si Eala diin nahuptan niya ang 5-0 puntos sa ikaduhang set.
Taliwala niini,gidayeg gihapon ni Barbora si Eala kay nakuratan kini nga siya gipildi sa unang set sa ilang dula.
Tungod usab niini,mopokus na si Eala alang sa iyang apilan nga women’s doubles kauban si Eva Lys sa mao gihapong torneyo.
Ikasangka sa ilang tandem sila Olga Danilovic ug Anastasia Potapova ning adlawa.
Dumduman nga giatangan sa katawhang Pilipinhon ang performance ni Eala kinsa pinakaunang babaye gikan sa Pilipinas nga nakaabot sa sikat nga torneyo sa dulang tennis sa tibuok kalibutan.
Hisayrang kini na ang 148 ka tuig na nga gihimo ang maong torneyo diin adunay girantiya nga premyong £53,550,000 alang sa mokampeon ning tuiga.
