Misaka sa ranking no. 56 gikan sa pagsilbing no.64 si Pinay tennis sensation Alexandra ‘Alex’ Eala sa World Tennis Association/WTA ning adlawa.
Kini resulta sa iyang pagpukan sa lig-on niya nga kaatbang nga si French-Russian Varvara Gracheva sa ilang semi-final match sa 2025 Lexus Eastbourne Open sa United Kingdom sa iskoring nga 7-5, 2-6, 6-3.
Kini nga ranking ni Eala ang labing taas nga nahuptan sukad sa Pilipinas.
Tungod niini, gikonsidera ang 20 anyos nga si Alex nga pinakaunang Pinay nga nakaabot sa WTA tour finals.
Sa wala pa niya pildiha si Gracheva, gipaluhod niini ang tulo ka grand slam champions nga si Jelena Ostapenko,Madison Keys ug Iga Swiatek aron makaabot sa Miami semifinals.
Kung molampos ug modaug si Eala batok kang Australian player Maya Joint sa ilang final match,posible pa nga magsilbi na kining WTA ranked no.52.
Hisayrang himoon ang final match ni Eala ug Maya mismo ning adlawa.
