Sayo nga natapos ang kampanya ni Pinay Tennis Sensation Alex Eala sa Qatar Open human siya mapildi ni Tereza Valentova gikan sa Czech Republic sa score nga 7-6(6), 6-1.
Sa unang set, dikit ang dula ug nagpakita si Eala sa iyang kusog apan mas nakapabor gihapon ang taktika sa Czech player.
Pag-abot sa ikaduhang set, klaro nga nadominar na sa mas batan-on nga si Valentova ang ritmo sa dula.
Ang kapildihan si Eala nagpasabot nga dili na siya makasulod sa sunod nga round sa torneo.
Mahinumduman nga gikan pa siya sa Abu Dhabi Open diin nakaabot siya sa quarterfinals, ug nakapakita sa maayo nga performance.
Bisan pa sa kapildihan, nagpabilin gihapon nga inspirasyon si Eala sa mga Pilipinong tennis fans nga mitan-aw sa iyang match kagahapon.
