Lagpak gilayon ug wala na’y tsansa si Pinay tennis star Alex Eala nga makaabante pa sa sunod nga round sa bag-uhay lang giablihan nga Australian Open qualifiers.
Kini human gipukan si Eala sa Croatian player nga si Jana Fett kinsa world ranked number 136.
Apan bisan niini,masaligon ang batan-ong Pinay tennis player nga daghan pa’ng mga higayon nga makadula kini ug makasakmit sa dugang mga kadaugan.
Una nang gisunod sa torneyo ang three round qualifying phase nga giapilan sa 128 ka mga magdudula.
Kon midaug pa si Eala,sunod unta ikasangka niini si Victoria Hrunkacova sa Slovakia ug Sinja Kraus sa Austria.
Hisayrang si Eala ang kasamtangang ranked 147 sa Women’s Tennis Association.
