Taktak na sa kampanya ang Filipina tennis star nga si Alex Eala sa WTA 500 Ningbo Open human napilde sa Round of 16.
Pinaagi sa gipagawas nga opisyal nga resulta gikan sa Yinzhou Tennis Center sa China, gipukan si Eala sa No. 6 seed ug Russian player nga si Diana Shnaider sa duha ka set, 7-5 ug 6-4.
Gumikan niini, nahanaw ang higayon sa Pinay netter nga makasulod sa quarterfinals human sa serye sa gipakitang kombati batok sa No. 13 player sa kalibutan.
Gani, mag-atubang na sa quarterfinals si Shnaider batok sa Amerikanang si Iva Jovic samtang nangandam na usab si Eala alang sa iyang sunod nga mga dula.
Hinoon, gidayeg ni Russian tennis player Diana Shnaider ang gipakitang katakus ni Eala diin gipahayag niini nga dili gyud moatras o mopaubos sa kombati ang Pinay netter bisan pa man sa lisud nga dula sa korte.
