Gawas sa pag-peke sa iyang pagkatawo ug kaso batok sa ilegal nga operasyon sa Philippine Offshore Gaming Operations o POGO, naduso na sa Department of Justice ang kasong “qualified human trafficking” Guo Hua Ping, alyas ex-Bamban Tarlac Mayor Alice Guo.
Gibutyag ni Atty Mico Clavano, Assistant Secretary ug Spokesperson sa DOJ nga dili lang si Guo ang napasakahan sa kaso sa Anti-Trafficking in Persons Act of 2003 sa Pasig regional trial court apan lakip si Huang Zhiyang, kinsa gitumbok sa Presidential Anti-Organized Crime Commission o PAOCC nga “boss of all bosses” sa pagpadagan sa ilegal nga POGO.
Susamang kaso ang gihampak nila Zhang Ruijin,ug Lin Baoying, nga unang gitumbok nga kasosyon ni Guo sa pagpadagan sa POGO hubs sa Tarlac.
Gipamugos ni Clavano nga dili na maka-ikyas subli sa Pilipinas si Guo tungod sa kabug-at sa kaso nga gisang-at batok kaniya kagahapon.(Bombo Anne Quileste).
