CAGAYAN DE ORO CITY – Wala palabya sa pipila ka abogado ang gipakitang ‘VIP treatment’ ni DILG Secretary Benjamin Abalos Jr,PNP chief Gen Rommel Marbil ug NBI agents sa pagkuha kang dismissed Bamban,Tarlac Mayor Alice Guo sa kustodiya sa Indonesian authorities.
Miingon si kanhi IBP-Misamis Oriental chapter president Atty. Eddie Cuaresma nga dakong salawayon ang gihimo sa maong mga opisyal atubangan sa katawhan.
Kini tungod kay nagpamatood nga lahi ang balaod alang sa mga kabus itandi sa mga tawong adunahan ug dako’g impluwensiya.
Si Guo nabaniug nga ‘dummy’ lamang sa high profile Chinese syndicates nga dunay dagkong mga ilegal transaksyon dinhi sa nasud.
Una usab niini,namugos si Abalos nga dili nila intensyon nga magpakuha’g hulagway apan wala nila makontrol ang mga tawo nga mibuhat niini samtang kauban si Guo.
