CAGAYAN DE ORO CITY, Philippines – “Alive and kicking” Kini ang tubag ni Hollywood Actress Alicia Silverstone sa iyang minilyong fans nga nabalaka human niya kan-a ang usa ka makahilo nga prutas samtang nagbaktas sa kadalanan sa England.
Una niini, nagpost sa video-sharing site, Tiktok ang actress sa iyang pag-ingkit, ug pagsima sa gamay nga lingin ug kolor pula nga cherry. Militok pa ang actress nga daw sama sa kamatin ang lami niini apan, halang.
Base sa nakasaksi, maoy gikaon sa actress ang ‘poisonous Jerusalem cherry’.
Miingon ang mga eksperto nga kung si kinsa ang makakaon sa delikado nga prutas mahimong makasinati sa kalipong, pagsuka-suka, pagsakit sa tiyan, diarrhea, ug ang pinaka-grabe, pagpangurog, paralysis, pagkakoma ug kamatayon.
Hinoon, sa iyang social media post sa Meta, mitug-an si Silverstone nga wala niya tunla ug okay pa ang iyang pamati .
