CAGAYAN DE ORO CITY – (update) “All out war” ang padayong mando ni Pres Rodrigo Duterte batok sa grupong Abu Sayyaf ug mga factions niini nga naglangkob sa Dalwah Islamiah sa Sulu, ug ang Bangsamoro Islamic Freedom Fighters kon BIFF sa Lanao del Sur.
Gibutyag ni Western Mindanao Command spokesperson Lt Col Jerry Besana nga seryoso ang ilang commander-in-chief sa iyang kampanya nga “war againts terrorism”.
Kung mahinumduman, gibisita ni Pres Rodrigo Duterte ang Jolo, Sulu atol sa pagdumdum sa ika 77 ka tuig sa Araw ng Kagitingan diin iyang gihatagan sa Medal of Valor, cash assistance ug mga cellphones ang 15 ka mga samarong sundalo nga nadeploy sa WestMinCom.
