Generally peaceful ang syudad ug tibook Northern Mindanao Region sa pag-obserbar sa unang ug ikaduhang adlaw sa pagbisita sa mga sam-ang sa rehiyon.
Gibuytyag ni PRO-10 Spokesperson Police Major Joann Navarro nga “shared responsibility” ang paghatag kahusay ug kalinaw sa usa ka lugar, busa gi-awhag sa kapulisan ang katawhan nga mokooperar sa gipatuman nga mga gabayan sa ilang tagsa-tagsa ka LGUs.
Subli, gitin-aw ni Navarro nga dili mulampos ang ilang deployment kung ang tawo mupasi-atab sa mga kagubot.
Alang kaniya, milaum ang ilang organisasyon nga mulungtad pa hangtud Nobyembre 3 ang kalinaw sa rehiyon.
Wala usab nadawat nga hulga ang PRO-10 alayon sa pagselebrar sa adlaw sa mga Santos ug pagdumdum sa adlaw nga kalag. Kagahapon, nagdeploy ang PRO-10 sa kapin 5mil ka mga pulis regionwide.
